Zyra e Strehimit

Misioni

Zyra e Strehimit ka si mision:

• Të garantojë të drejtën për strehim për qytetarët që nuk kanë mundësi të sigurojnë një banesë me të ardhurat e tyre.
• Të zbatojë programet e strehimit social dhe të menaxhojë fondin e banesave në pronësi të bashkisë.
• Të koordinojë politikat lokale me strategjinë kombëtare të strehimit për zhvillimin e qëndrueshëm social.

Objektivat Kryesore

1. Sigurimi i Strehimit Social – për familjet dhe individët në nevojë, duke përfshirë: familje me ndihmë ekonomike, persona me aftësi të kufizuara, jetimë, gra kryefamiljare, viktima të dhunës në familje.
2. Menaxhimi i Fondit të Banesave – të mirëmbajë, shpërndajë dhe administrojë banesat në pronësi publike me transparencë.
3. Zbatimi i Programeve të Strehimit – si kredisë me interes të subvencionuar, bonusi i qirasë, banesa sociale me qira, legalizime dhe ndihmë për vetëndërtuesit.
4. Parandalimi i Pastrehësisë – përmes ndërhyrjeve të shpejta për familjet e rrezikuara nga humbja e banesës.
5. Promovimi i Barazisë Sociale – përfshirje e të gjitha shtresave në programet e strehimit pa diskriminim.

Detyrat Kryesore

• Harton dhe përditëson strategjinë vendore të strehimit në përputhje me ligjin nr. 22/2018 “Për Strehimin Social”.
• Administron Regjistrin e Familjeve në Nevojë për Strehim.
• Pranon, shqyrton dhe vlerëson aplikimet për programe strehimi social (bonusi i qirasë, kredi të buta, banesa sociale).
• Përgatit listat e përfituesve dhe i paraqet për miratim në këshillin bashkiak.
• Mbikëqyr mirëmbajtjen e banesave sociale dhe monitoron gjendjen e tyre fizike.
• Ofron këshillim dhe informim për qytetarët mbi procedurat dhe dokumentacionin e nevojshëm.
• Raporton te kryetari i bashkisë dhe te ministritë përgjegjëse për zbatimin e programeve të strehimit.

Përgjegjësitë

• Siguron transparencë në shpërndarjen e banesave dhe fondeve të strehimit.
• Respekton kriteret ligjore dhe prioritetet sociale të përcaktuara në VKM-të dhe ligjin e strehimit.
• Përgjigjet për administrimin financiar të fondeve të strehimit dhe për përdorimin e tyre me efikasitet.
• Mbron interesin publik duke parandaluar keqpërdorimin e banesave sociale.
• Ruajtja dhe përditësimi i dokumentacionit zyrtar për çdo përfitues.

Ndërtimi i Banesave Sociale!

Bashkia Kuçovë u shpall fituese në thirrjen e Ministrisë së Financave dhe Ekonomisë me Projektin “Ndërtim i Banesave Sociale”. Zbatimi do të nisë së shpejti dhe apartamentet do të vihen në dispozicion të familjeve në nevojë që do të përfitojnë 12 apartamente me standardet e strehimit social brenda vitit 2023.

KOMISIONI  I  STREHIMIT

Bazuar në Vendimin e Këshillit Bashkiak Kuçovë Nr.53, datë 19.06.2019  “Për përbërjen dhe  funksionimin e Komisionit të Strehimit në Bashkinë Kuçovë, në Urdhërin e Kryetarit të Bashkisë Kuçovë Nr.269 datë  23.09.2019 “Për ngritjen e Komisionit të Strehimit  në Bashkinë Kuçovë”, Komisioni i Strehimit  njofton se afati  i fundit për dorëzimin e dokumentacionit për të përfituar nga Programi i SUBVECIONIT TË INTERESAVE TË KREDISË (kreditë e buta), është data 31.05.2022.

Dokumentat dorëzohen pranë Zyrës së Strehimit.

Për më shumë vizitoni linkun:https://financa.gov.al/programi-i-subvencionimit-te-interesave-te-kredive/

2022-03-11-0001