Ka nisur zyrtarisht puna për përmirësimin e rrugës së fshatit Fier Mimar, një investim i rëndësishëm që synon rritjen e sigurisë, lehtësimin e lëvizjes dhe përmirësimin e aksesit për banorët e zonës. Ky projekt do të ndikojë drejtpërdrejt në rritjen e cilësisë së jetesës dhe zhvillimin e komunitetit lokal.
Bordi i Kullimit ka vijuar pastrimin e kanalit kullues në lagjen 1 Maj dhe në fshatin Perondi u realizua me qëllim përmirësimin e kullimit të tokave bujqësore dhe parandalimin e përmbytjeve. Ky kanal shërben për kullimin e sipërfaqeve bujqësore të fermerëve të fshatrave Perondi, Tapi dhe Rreth Tapi, duke mbuluar një sipërfaqe totale prej rreth 200 hektarësh, dhe ka një rëndësi të veçantë për mbarëvajtjen e aktivitetit bujqësor në zonë.
Programi i përmirësimit të kushteve të banimit për shtresat në nevojë ka mbështetur 39 familje, të cilat kanë përfituar nga ndërhyrje të pjesshme në banesat e tyre gjatë vitit 2025. Ky program synon të rrisë sigurinë dhe cilësinë e jetesës, duke përmirësuar kushtet bazë të banimit për familjet që kanë më shumë nevojë.
Ky program realizohet falë bashkëfinancimit të Bashkisë Kuçovë dhe Ministrisë së Ekonomisë dhe Inovacionit. Ky program do të vazhdojë edhe gjatë vitit 2026 për familjet e tjera që ndodhen në kushte të vështira banimi.
Miratimi i buxhetit për vitin 2026 shënon një hap të rëndësishëm drejt zhvillimit të qëndrueshëm dhe përmirësimit të cilësisë së jetës për qytetarët. Ky buxhet parashikon investime konkrete në infrastrukturë dhe shërbime publike, si dhe ndërhyrje të nevojshme në lagjet Tafil Skëndo, 11 Janari, Postbllok, Gegë, Salcë Kozare, Perondi dhe zona të tjera.
Një vëmendje e veçantë i është kushtuar arsimit dhe kopshteve, me synimin për të përmirësuar kushtet dhe mbështetjen për fëmijët dhe të rinjtë, si edhe forcimit të ndihmës për shtresat në nevojë. Buxheti 2026 reflekton angazhimin për zhvillim të balancuar, përfshirës dhe në shërbim të komunitetit.
Bashkia Kuçovë, në bashkëpunim me Zyrën Arsimore, organizoi aktivitete festive me rastin e 28 dhe 29 Nëntorit, ditëve të rëndësishme të Pavarësisë dhe Çlirimit të vendit.Përfaqësues të Bashkisë, Zyrës Arsimore, mësues, nxënës dhe qytetarë morën pjesë në një atmosferë respekti, uniteti dhe krenarie kombëtare. Përmes këtyre aktiviteteve u synua të nderohej kontributi i të gjithë atyre që luftuan për pavarësinë dhe lirinë e vendit. Në këtë ditë të shënuar u zhvilluan aktivitete kulturore, valle, këngë dhe recitime patriotike,duke përcjellë vlerat e historisë kombëtare tek brezi i ri . Aktivitetet u zhvilluan në një atmosferë festive dhe respekti ndaj historisë dhe figurave që kontribuan në lirinë e Shqipërisë.
Bashkia dhe Zyra Arsimore shprehin falënderimet e sinqerta për fëmijët dhe mësueset që kontribuan me përkushtim në realizimin e kësaj feste.
