Skip to content Skip to left sidebar Skip to footer

Author: adminbashkia

Ritet Pranverore

U mbyll me sukses edicioni i 17-të i Festivalit “Ritet Pranverore” , ku performuan reth 200 artistë nga Shqipëria,Kosova,Mali i Zi, dhe Maqedonia e Veriut. Bashkia Kuçovë u përfaqësua në këtë festival me grupin e Kozares “Tradita Folklorike”, të cilët u vlerësuan me çmimin e parë. Me çmime individuale u vlerësuan dhe valletarë e instrumentiste të ketij grupi.🎼🥁🏆🏆🥇

THIRRJE PUBLIKE PËR KËSHILLIN VENDOR TË RINISË!

Bashkia Kuçovë shpall thirrjen publike për anëtarësim në Këshillin Vendor të Rinisë. Thirrja është e hapur për të gjithë të interesuarit dhe që plotësojnë kriteret. Kandidati/ja duhet të jetë banor/e të Bashkisë Kuçovë dhe të moshës prej 15 deri 29 vjeç.

Përzgjedhja mes individëve që kanë shprehur interes bëhet nga grupi i punës përgjegjës i ngritur pranë Bashkisë Kuçovë duke u bazuar në kriteret dhe procedurat që parashikon ligji.   

Për kandidatët përfaqësues të organizatave rinore ose për të rinjtë, duhet të përmbushen kriteret e mëposhtme:

a) të jenë përfaqësues të një organizate rinore ose për të rinjtë;

b) të mos jetë i dënuar;

c) të ketë përvojë në projekte, nisma dhe veprimtari rinore dhe për të rinjtë;

d) të mos ketë konflikt interesi për shkak të angazhimit të KVR;

Kandidatët për KVR, përfaqësues të organizatave rinore ose për të rinjtë duhet të paraqesin interesin e tyre, pranë Zyrws sw Informacionit në Bashkinë Kuçovë brenda afatit 30.05.2022 duke paraqitur dokumentet e mëposhtme:

a) kërkesë me shkrim ku të shprehë interesin dhe motivimin për aplikim;

b) jetëshkrim;

c) fotokopje të dokumenteve që mbështesin shënimet e jetëshkrimit;

d) vërtetim të gjendjes gjyqësore;

dh) vetëdeklarim lidhur me shmangien e konfliktit të interesave;

e) referenca nga të paktën 2 bashkëpunëtorë të mëparshëm;

Shqyrtimi i aplikimeve dhe përzgjedhja e tyre bëhet brenda 10 (dhjetë) ditëve kalendarike nga data e mbylljes së aplikimeve.

Lavdi Dëshmorëve të Atdheut

5 Maji, Dita e Deshmorëve!

Dita e Dëshmorëve e ka origjinën në 5 maj 1942, kur u vra Qemal Stafa, i cili me veprimtarinë e tij u kthye në simbol të Luftës Antifashiste Nacionalçlirimtare.Në nderim të kujtimit të të rënëve për lirinë e vendit si ç’do vit edhe sot u zhvillua ceremonia në monumentin e Dëshmorëve të Çlirimit në nderim dhe lavdi të Deshmorëve te Atdheut.

Dita Ndërkombëtare e Tokës

Në ditën Ndërkombëtare të Tokës ,Bashkia Kuçovë në bashkëpunim me Istitucione të tjera Vendore organizuan një aksion pastrimi.Në këtë aksion pastrimi morrën pjesë punonjësit e administratës së Bashkisë Kuçovë.Në kuadër të këtij pastrimi është e domosdoshme edhe kontributi i çdo qytetari, që jo vetëm të mos ndosin ambientin e përbashkët, por edhe të kontribojnë ne pastrimin për një mjedis sa më të pastër.

Shtrim Rrugësh në Lagjen “Tafil Skendo”

Kryetari i Bashkise Kuçovë Z. Kreshnik Hajdari ka inspektuar nga afër ecurinë e punimeve për shtrimin e dy rrugëve me asfalt ne lagjen “Tafil Skendo” Puna e kryer me angazhimin e punonjësve të Agjencisë Komunale 👷‍♂️ do të përmirësojë dukshëm kushtet për këta banorë të Bashkisë Kuçovë!

Rehabilitimi i Kafshëve të Rrugës

Çdo vit me qindra qen dhe mace përfundojnë të pastreha nëpër rrugët e qytetit dhe fatkeqësisht nuk ka mjaftueshëm njerëz që t’i adoptojnë ata. Shumë kafshë përfundojnë në rrugë pasi braktisen nga familja e tyre, dhe ndërkohe që një pjesë e vogël e tyre shpëtohen, pjesa më e madhe vuajnë rrugëve pa pasur dikë që të kujdeset për ta. Sterilizimi i kafshëve parandalon lindjen e tyre aksidentale dhe është mënyra më efiçente dhe humane për të shpëtuar jetë kafshësh.

Bashkia Kuçovë ka kryer rehabilitimin e qenëve të rrugës. Sipas metodave bashkëkohore, 🐶💉 u krye sterilizimi dhe vaksinimi. Kjo metodë sjell uljen e numrit e kafshëve, pas rikthimit në habitatin e tyre.Kafshët nuk do të mund të riprodhohen dhe do të kenë ulje të agresivitetit. Gjithsej u administruan 80 qenë, të cilët u regjistruan dhe u matrikulluan. 🏷 Ky projekt synohet të zbatohet për 5 vite rresht. Projekti u mundësua në bashkëpunim me Shoqatën zvicerane “JETA Tier und Mensch”. 🇨🇭 Klinika veterinare “Artenis Limoj”, u angazhua në zbatimin konkret të zgjidhjes, që respekton jetën e kafshëve 🐕 dhe të njerëzve. 🙏

Vneddepozitimi i Mbetjeve

Që nga sot, mbetjet do të trajtohen siç duhet, ato nuk do të ndotin lumin dhe dhe ambientin, nuk do të helmojnë tokën bujqësore dhe nuk do të dëmtojnë ajrin që thithim. Kjo ka efekt në turizëm, bujqësi, ekonomi dhe shëndetin e qytetarëve. Ajo që ka më rëndësi është se ky investim ishte bashkëfinancim me Bashkinë, e cila ka siguruar gjithashtu operimin dhe mirëmbajtjen për këtë shesh.

Kryetari i bashkisë Kuçovë Z. Kreshnik Hajdari, vlerësoi kontributin nga Qeverisë Zviceriane dhe theksoi prioritetin që ju dha këtij projekti nga Bashkia dhe zgjidhjen që ai jep për problemin e kahershëm për trajtimin e mbetjeve urbane.

Sipërfaqa totale e këtij venddepozitimi është 28000 m2, ku nga këto sipërfaqe të mbeturinave të grumbulluara dhe të kapsuluara gjatë viteve 90 e deri më sot është 9000 m2. Sipërfaqa e sheshit të parashikuar për riciklim dhe vaskave ështe 10 mijë m2.

Dita e Verës

Qendra Kulturore “Feniks” në mbështetje të Bashkisë Kuçovë dhe nën kujdesin e veçantë të Kryetarit të Bashkisë Z. Kreshnik Hajdari, organizuan ditën e verës. Dita e Verës ☀️erdhi me aktivitete nga muzika, cirku, 🎪 panaire kuzhine dhe arti. Akrobatë të cirkut kombëtar 🤸 së bashku me iluzionistin Julian Kazazi 🪄 dhe këngëtarët Ervis Behari dhe Ergys Hyka që me praninë e tyre e bënë këtë ditë edhe më të veçantë.

GËZUAR DITËN E VERËS!

KOMISIONI I STREHIMIT

Bazuar në Vendimin e Këshillit Bashkiak Kuçovë Nr.53, datë 19.06.2019  “Për përbërjen dhe  funksionimin e Komisionit të Strehimit në Bashkinë Kuçovë, në Urdhërin e Kryetarit të Bashkisë Kuçovë Nr.269 datë  23.09.2019 “Për ngritjen e Komisionit të Strehimit  në Bashkinë Kuçovë”, Komisioni i Strehimit  njofton se afati  i fundit për dorëzimin e dokumentacionit për të përfituar nga Programi i SUBVECIONIT TË INTERESAVE TË KREDISË (kreditë e buta), është data 31.05.2022.

Dokumentat dorëzohen pranë Zyrës së Strehimit.

Mbledhje me Drejtuesit e Policisë së Shtetit

Ditën e sotme në Istitucionin e Bashkisë Kuçovë u zhvillua mbljedhja për luftën ndaj kultivimit të lëndëve narkotike. Të pranishëm ne këtë mbledhje ishte Prefektja dhe drejtuesit e Policisë së Shtetit për Qarkun Berat. 🤝 Të pranishëm ishin edhe Kryepletë e fshatrave të Njesive Administrative, si dhe përfaqesues të Bashkisë .Në këtë mbledhje u diskutua për mënyrat e bashkëpunimit mes institucioneve tona për luftën ndaj kultivimit të lëndëve narkotike.