Punime

Bashkia Kuçovë vijon punimet në lehtësimin e lëvizjes së fermerëve në rrugët e parcelave. Sot ne vijuam punimet në fshatrat Sheqëz dhe Magjatë.

Puna do të vijojë edhe në fshatrat e tjerë në vazhdim.

Vijon puna për hapjen e rrugëve të parcelave në fshatrat bujqësorë Koritës dhe Krekës të njësisë administrative Lumas. Bashkia Kuçovë ka marrë angazhim për të lehtësuar punën fermerëve duke hapur 2 km rrugë në fshatin Koritës, dhe 3 km rrugë në fshatin Krekës.

Puna do të vazhdojë edhe në zona të tjera!

Ujitja dhe kullimi janë një nga faktorët kryesorë me ndikim të drejtperdrejtë në rritjen e qëndrueshme të prodhimit bujqësor në vend.Puna dhe angazhimi i disa ditëve solli përmirësimin e nevojshëm të situatës së kanaleve kulluese dhe ujitëse.

Në Perondi janë pastruar 6 km kanale ujitëse që, nga diga e lumit Osum, shpërndajnë ujë në 250 hektarë tokë. Nga rezervuari, në Goraj, janë pastruar 8 km kanal, në shërbim të një sipërfaqe toke prej 200 hektarë.

Bashkia vijon punën në shërbim të Komunitetit.

Që nga sot, mbetjet do të trajtohen siç duhet, ato nuk do të ndotin lumin dhe dhe ambientin, nuk do të helmojnë tokën bujqësore dhe nuk do të dëmtojnë ajrin që thithim. Kjo ka efekt në turizëm, bujqësi, ekonomi dhe shëndetin e qytetarëve. Ajo që ka më rëndësi është se ky investim ishte bashkëfinancim me Bashkinë, e cila ka siguruar gjithashtu operimin dhe mirëmbajtjen për këtë shesh.

Kryetari i bashkisë Kuçovë Z. Kreshnik Hajdari, vlerësoi kontributin nga Qeverisë Zviceriane dhe theksoi prioritetin që ju dha këtij projekti nga Bashkia dhe zgjidhjen që ai jep për problemin e kahershëm për trajtimin e mbetjeve urbane.

Sipërfaqa totale e këtij venddepozitimi është 28000 m2, ku nga këto sipërfaqe të mbeturinave të grumbulluara dhe të kapsuluara gjatë viteve 90 e deri më sot është 9000 m2. Sipërfaqa e sheshit të parashikuar për riciklim dhe vaskave ështe 10 mijë m2.

Ka nisur  puna për realizimin e projektit për modernizimin e bazës  ajrore në Kuçovë. Në ceremoninë e nisjes së punimeve, ishte i pranishëm kryeministri i Shqipërisë, Z. Edi Rama, Ministri i Mbrojtjes, Niko Peleshi si dhe përfaqësues të trupit diplomatik të akredituar në Shqipëri.

Kryeministri Rama u shpreh se vendimi që NATO mori për ta përzgjedhur këtë hapësirë si një mjedis të ri për adresimin e sfidave të sigurisë duke e transformuar në një bazë ajrore të Aleancës në rajon konfirmon faktin se Shqipëria e vogël është një vlerë e shtuar në këtë Aleancë.

 Për ne lajmi kësaj vendimmarrje ishte një lajm shumë i mirëseardhur sepse jo vetëm lejonte një vlerë të re në gjithë infrastrukturën tonë të mbrojtjes, por në të njëjtën kohë përçonte një energji të re në përpjekjen tonë për ta shfrytëzuar me sa më shumë inteligjencë dhe pragmatizëm pozicionin tonë strategjik dhe pozitën tonë në NATO.

Puna e nisur sot në Bazën Ajrore të Kuçovës konsiston në përmirësimin e pistës, infrastrukturën për kontrollin dhe sigurinë e fluturimeve, rrugët lidhëse dhe mjetet e tjera ndihmuese.

Vijojmë punimet për rehabilitimin e sheshit përpara 9-katëshit bashkë me shoqërinë Albstar! Kërkesë e vazhdueshme e banorëve, mjedisi do të jetë i përfunduar së shpejti.

#BashkiaNëPunë#BashkiaKuçovë

Muajin tjetër fillojnë punimet për modernizimin e Bazës Ajrore të Kuçovës! Lajmin e mirë e ndamë në një takim me disa përfaqësues të Forcave të Armatosura. Baza Ajrore e Kuçovës do të jetë baza e parë ajrore e NATO-s në vendet e Ballkanit Perëndimor. Diskutuam edhe për sfidat e emergjencave civile dhe bashkëpunimin ndërinstitucional për t’i përballuar.

Kuçova është e bukur! 🌴 Ne thjesht po punojmë për ta mbajtur të tillë! Agjencia Komunale vijon me punën ne Bulevardin Kryesor te Qytetit me krasitjen e palmave.