Nisin punimet për rikonstruksionin e rrugës “Toli” në Kozare! 👷♂️
Një investim i shumëpritur që do t’i japë fund vështirësive të përditshme të banorëve të lagjes “Tolanjakët”, duke përmirësuar ndjeshëm qarkullimin 🚗🛵 dhe cilësinë e jetesës.
Ky projekt është pjesë e angazhimit të Bashkisë Kuçovë 🏢 për të investuar në infrastrukturë, i realizuar me të ardhurat e veta.
Një lajm i mirë për banorët e rrugëve “Berati”, “Çamëria”, “Perondia” dhe “Gjon Buzuku” në lagjen “1 Maji”! Bashkia Kuçovë ka nisur punimet për rikualifikimin e plotë të këtyre akseve rrugore, një investim i shumëpritur që do të përmirësojë ndjeshëm qarkullimin dhe cilësinë e jetesës për komunitetin. Shumë shpejt, baltës dhe gropave që prej vitesh shqetësonin banorët do t’u vijë fundi falë këtij investimi të realizuar me të ardhurat e Bashkisë Kuçovë.
Punimet për rikonstruksionin e Shkollës së Bashkuar “Aleksandër Markaçini” në Havaleas po vijojnë me intensitet, duke përfshirë përmirësimin e plotë të ambienteve të brendshme dhe të jashtme të institucionit arsimor. Ndërhyrjet synojnë krijimin e kushteve më të mira për nxënësit dhe stafin mësimdhënës, si dhe rritjen e sigurisë dhe funksionalitetit të shkollës.
Një pjesë e rëndësishme e projektit është edhe ndërtimi i një palestre moderne, e cila do t’u shërbejë nxënësve për zhvillimin e aktiviteteve sportive dhe edukimit fizik. Ky investim realizohet përmes bashkëfinancimit të Bashkisë Kuçovë Ministrisë së Arsimit dhe Sportit, si një angazhim i përbashkët për përmirësimin e infrastrukturës arsimore dhe nxitjen e një mjedisi më cilësor për edukimin e brezave të rinj.
Në shkollën e rilindur “Gaqi Karakashi”, një inventim i Ministrisë së Arsimit dhe Sportit në bashkëpunim me Bashkinë Kuçovë, do të hapë dyert e vitit shkollorë në kushte moderne për nxënësit dhe mesuesit.
Kjo shkollë do të shërbejë jo vetëm si hapsirë mësimimi, por edhe si një qendër komunitare në funksion të fëmijëve, të rinjve, dhe të gjithë komunitetit me klasa moderne,bibloteke, laboratorë dhe terrene soprtive.
