Ditë e hapur për publikun!

Në kuadër të bashkëpunimit të Projektit “Bashki të Forta” me Këshillin Bashkiak Kuçovë dhe Bashkinë Kuçovë ditën e martë, datë 19.05.2026, ora 10.00, salla e mbledhjeve të këshillit u zhvillua aktiviteti ‘Ditë e hapur për publikun’ me qëllim informimin e komunitetit, grupeve të interesit mbi rolin aktivitete, vendimet, veprimtaritë, angazhimin, detyrat dhe përgjegjësitë e Këshillit Bashkiak Kuçovë ndaj komunitetit që përfaqëson.

Qëllimi i aktivitetit ishte: në kuadër të rritjes së transparencës në vendimmarrje, të informohej publiku, komuniteti, grupet e interesit, të rinjtë, gratë dhe vajzat mbi rolin që luan Këshilli Bashkiak si organ vendimmarrës dhe kontribues në zhvillimin e dialogut konstruktiv me komunitetin.

Ky sesion informues u mundësua nga Projekti “Bashki të Forta”, projekt i Agjencisë Zvicerane për Zhvillim dhe Bashkëpunim SDC dhe Qeverisë së Suedisë, i zbatuar nga Helvetas.