Ndriçimi Rrugor!
Sektori i ndriçimit rrugor pranë Bashkisë Kuçovë ka filluar punën për të përmirësuar ndriçimin duke zëvendësuar llambat tradicionale me llamba me ndriçim LED të integruar.Llambat LED kanë më shumë jetëgjatësi, dhe kursjenë energji.
Punime
Rikonstruksioni i rrugës “Donald Hoxha”
Bashkia Kuçovë duke marrë parasysh kërkesën e banorëve te zonës, ka filluar punimet në rrugën “Donald Hoxha”. Me këtë projekt do të shtrohet rruga me asfalt, do të sistemohen kanalizimet, do të krijohen trotuare për këmbësorët,dhe do të sigurohet ndriçimi.
Strehimi Social!
Bashkia Kuçovë vazhdon punimet për ndërtimin e apartamenteve të reja për të gjitha familjet në nevojë që do ti përfitojnë për strehim social. Kryetari i Bashkisë Z. Kreshnik Hajdari ndoqi nga afër punimet të cilat ecin me ritme të mira.
Zgjidhet problemi shumëvjeçar i fermerëve në Gegë!
Bashkia Kuçovë se fundimi ka zgjidhur përfundimisht një problem shumëvjeçar, i cili ka qënë shumë problematik për fermerët në fshatin Gegë. Kryetari i Bashkisë Z.Kreshnik Hajdari ka ndjekur nga afër ecurinë e punimeve ku do të ndertohen shtatë prita për të ndaluar gërryerjen nga lumi, të tokave bujqësore të fermerëve në Gegë.Prurjet e lumit tani nuk do të kenë me forcën e mëparshme në gërryerjen dhe dëmtimin e tokave përreth.
Vijojnë Punimet
Bashkia Kuçovë vijon punimet në lehtësimin e lëvizjes së fermerëve në rrugët e parcelave. Sot ne vijuam punimet në fshatrat Sheqëz dhe Magjatë.
Puna do të vijojë edhe në fshatrat e tjerë në vazhdim.
Rrugët e Parcelave në Fshatrat Bujqësorë
Vijon puna për hapjen e rrugëve të parcelave në fshatrat bujqësorë Koritës dhe Krekës të njësisë administrative Lumas. Bashkia Kuçovë ka marrë angazhim për të lehtësuar punën fermerëve duke hapur 2 km rrugë në fshatin Koritës, dhe 3 km rrugë në fshatin Krekës.
Puna do të vazhdojë edhe në zona të tjera!
Sezoni i Ullirit
Drejtoria e Bujqësisë në Bashkinë Kuçovë po tregon nje kujdes të veçantë për hapjen e rrugëve të parcelave për të lehtësuar punën e fermerëve. Puna filloi në fshatrat Vodëz dhe Goraj dhe më pas do të vijojë ne fashtrat te tjerë.
Kanalet Kulluese dhe Ujitëse
Ujitja dhe kullimi janë një nga faktorët kryesorë me ndikim të drejtperdrejtë në rritjen e qëndrueshme të prodhimit bujqësor në vend.Puna dhe angazhimi i disa ditëve solli përmirësimin e nevojshëm të situatës së kanaleve kulluese dhe ujitëse.
Në Perondi janë pastruar 6 km kanale ujitëse 
që, nga diga e lumit Osum, shpërndajnë ujë në 250 hektarë tokë. Nga rezervuari, në Goraj, janë pastruar 8 km kanal, në shërbim të një sipërfaqe toke prej 200 hektarë.
Bashkia vijon punën në shërbim të Komunitetit.
Shtrim Rrugësh në Lagjen “Tafil Skendo”
Kryetari i Bashkise Kuçovë Z. Kreshnik Hajdari ka inspektuar nga afër ecurinë e punimeve për shtrimin e dy rrugëve me asfalt ne lagjen “Tafil Skendo” Puna e kryer me angazhimin e punonjësve të Agjencisë Komunale 
do të përmirësojë dukshëm kushtet për këta banorë të Bashkisë Kuçovë!
Vneddepozitimi i Mbetjeve
Që nga sot, mbetjet do të trajtohen siç duhet, ato nuk do të ndotin lumin dhe dhe ambientin, nuk do të helmojnë tokën bujqësore dhe nuk do të dëmtojnë ajrin që thithim. Kjo ka efekt në turizëm, bujqësi, ekonomi dhe shëndetin e qytetarëve. Ajo që ka më rëndësi është se ky investim ishte bashkëfinancim me Bashkinë, e cila ka siguruar gjithashtu operimin dhe mirëmbajtjen për këtë shesh.
Kryetari i bashkisë Kuçovë Z. Kreshnik Hajdari, vlerësoi kontributin nga Qeverisë Zviceriane dhe theksoi prioritetin që ju dha këtij projekti nga Bashkia dhe zgjidhjen që ai jep për problemin e kahershëm për trajtimin e mbetjeve urbane.
Sipërfaqa totale e këtij venddepozitimi është 28000 m2, ku nga këto sipërfaqe të mbeturinave të grumbulluara dhe të kapsuluara gjatë viteve 90 e deri më sot është 9000 m2. Sipërfaqa e sheshit të parashikuar për riciklim dhe vaskave ështe 10 mijë m2.
