Author: adminbashkia

Ceremonia e 73-Vjetorit të Aviacionit Ushtarak në Bazën Ajrore të NATO-s në Kuçovë!

Ditën e sotme u zhvillua ceremonia e 73-vjetorit te aviacionit ushtarak në Kuçovë, tashmë një bazë e NATO-s.

Reparti Ushtarak 3362 Kuçovë mbante emrin Reparti “23 Peza”. Ai u krijua si formacion i parë i madh luftarak i Forcave Ajrore për mbrojtjen e hapësirës ajrore.

Bërthama e parë e këtij regjimenti u krijua me vendim të posaçëm, ku u morën masa për përgatitjen e efektivit pilot e teknik për teknikën e re reaktive me të cilën do të pajisej reparti. Regjimenti u krijua më 15 maj 1955, ndërsa në janar të vitit 1956 në regjiment filloi përgatitja luftarake.

Në 23 prill 1955 në aerodromin e Kuçovës u ulën për herë te parë avioni “Mig 17”, avion i cili sot gjendet në qendër të qytetit, pranë Shtëpisë së Oficerëve. Avioni bombardues JI- 28 u ul për herë të parë në këtë aerodrom në korrik të vitit 1957.

Sot një bazë, e cila është tërësisht e transformuar dhe e gatshme si një Bazë e re Taktike e NATO-s me një rëndësi që i tejkalon kufijtë e Shqipërisë. Një bazë, e cila është një tjetër element sigurie për rajonin tonë të Ballkanit Perëndimor“.

Mblidhet Këshilli Vendor i Sigurisë Publike!

Ditën e sotme u mblodh Këshilli Vendor i Sigurisë Publike Bashkia Kuçovë. Qëllimi i takimit ishte mbledhja e anëtarëve të Këshillit të Sigurisë Publike, që përfaqësojnë institucione lokale shtetërore dhe jo-shtetërore për të identifikuar sfida dhe mundësi në funksionimin e Këshillit të Sigurisë Publike në këtë Bashki. Bashkia ka bashkëpunim te ngushtë me Policinë e Shtetit ku janë marrë masat e nevojshme ne territorin përeth shkollave. Duke u ndalur tek sfida Kryetari i Bashkisë Z.Kershnik Hajdari shtoi se; synimi ynë është nxitja e një mjedisi gjithëpërfshirës që lejon partneritet, bashkëpunim, të përbashkët, të natyrës së kërcënimeve dhe qasjeve më të përshtatshme për t’i adresuar ato. Shkëmbim të përvojave dhe praktikave më të mira në funksion të rritjes së cilësisë së jetesës dhe sigurisë publike.

I Jepet Titulli Qytetar Nderi ”Mësuesit të Popullit” Koço Korçari!

Në mjediset e Bibliotekës Publike u zhvillua ceremonia e dorëzimit të titullit “ Qytetar nderi” Koço Korçari pas vdekjes. Dorëzimi i titullit u bë nga kryetari i Bashkisë Z. Kreshnik Hajdari dhe kryetari i Këshillit Bashkiak Z. Aleksandër Ziu. Në ceremoni ishin të pranishëm emra të njohur të kulturës Kuçovare, njerëz që e kanë njohur nga afër “Mësuesin e Popullit” Koço Korçari. Ata përcollën tek të pranishmit nëpërmjet kujtimeve gjithë vlerat profesionale dhe njerëzore që mbartëte ai.

Me Certifikatë Mirënjohjeje për profesionalizmin dhe kontributin ndër vite kryetari i Bashkisë nderoi dhe një autoritet të artit kuçovar Z. Nito Lala.

Kuçova Dokumentar!

Në kuadër të Projektit “Rikonstruksioni i Shkollës Koço Korçari” mbështetur nga skema e granteve #EU4Municipalities e cila financohet nga Bashkimi Evropian, Bashkia Kuçove ka realizuar një dokumentar të shkurtër mbi ndikimin e kulturave Evropiane në zhvillimin e qytetin tonë.

Ju ftojmë ta ndiqni !

https://youtu.be/BMqYuoktti8

Rikualifikim i rrugës “Luan Qafzezi” dhe Kamza!

Rikualifikim i rrugës ” Luan Qafzezi” dhe Kamza është një tjetër investim,një premtim i mbajtur i Bashkisë Kuçovë. Kryetari i Bashkisë Z. Kreshnik Hajdari inspektoi nga afër punimet e kryera që prekin distancën nga “Pusi i Gazit” deri te Kodra e Përpunimit. Së shpejti këta banorë do të kenë rrugët asfaltuara.

Takim me Ambasadorin e Japonisë!

Në emër të Bashkisë Kuçovë, Kryetari i Bashkisë Z. Kreshnik Hajdari mirëpriti Ambasadorin e Japonisë Sh.T.Z. Takada Mitsuyuki .Mirënjohje të thellë Ambasadorit për mjetin zjarrëfikës të dhuruar e cila është një ndihmë e rëndësishme për këtë shërbim. Kryetari i Bashkisë bashkë me Amabsadorinin vizituan nga afër ambjentet e MNZ Kuçovë ku ndër të tjera u fol për mbeshtetjen dhe bashkëpunimin e përbashkët nga të dyja vëndet.

Siguria në Shkolla!

Në ambientet e Bashkisë Kuçovë u zhvillua mjë takim për rritjen e sigurisë në dhe përreth Shkollave. Për garantimin e kësaj përparësie të ritheksuar nga Bashkia dhe Ministria e Brendshme, u zhvillua një bashkëbisedim me drejtorët e shkollave 9-vjeçare dhe të mesme. Së bashku me Policinë e Shtetit dhe institucionet e përfshira jemi të angazhuar të sigurojmë që çdo shkollë të jetë një mjedis i sigurt për fëmijët tanë.

Rikualifikim i rrugës Havaleas, Njësia Administrative Kozare!

Bashkia Kuçovë vijon punën për rikualifikimin e rrugëve në Havaleas, Kozare. Sot nisi faza e shtresës së asfaltit.Kryetari i Bashkisë Z. Kreshnik Hajdari inspektoi ecurinë e punimeve, ku shumë shpejt rruga do jetë e përfunduar dhe ne dispozicion. Mirënjohje punonjësve dhe banorëve për durimin dhe mbështetjen.

Puna Vazhdon!

Bashkia Kuçovë vazhdon punën për pastrimin të Kolektorit në Lagjen 1 Maj cili shërben për pritjen e ujërave të larta dhe derdhjen e ujërave të ndotura në kanalin kryesor. Bashkia ka marrë angazhim te plotë per këtë problem qe ky kolektor të jetë në gjëndje të funksionimit sa më të mirë,

Një Tjetër Investim në Rrugën Goraj!

Bashkia Kuçovë,ka perfunduar një tjetër investim në rrugen e Goraj.Kryetari i Bashkisë Kuçovë Z. Kreshnik Hajdari dhe deputeti Z.Bardhyl Kollçaku inspektuan nga afër punimet e kryera në këtë rrugë. Kjo është një rrugë lidhëse e fshatit Goraj me Kuçovën si dhe me zonën e spitalit. Kjo rrugë e zgjeruar dhe e asfaltuar u vjen në ndihmë të gjithë banorëve të asaj zone,jo vetëm me spitalin por edhe shërben për transportin e të gjithë fermerëve që kultivojnë prodhimet e tyre.